గత ఆదివారం గుడివాడలో మున్సిపల్ ఎన్నికలసందర్భంగా ఒకవార్డులో జగన్ పార్టీ నేతలు ఓటర్లకు దొంగనోట్లు పంచారని మీడియా అంతా కోడైకూసిన సంగతి తెలిసిందే. టైమ్స్ ఆఫ్ ఇండియావంటి ఆంగ్ల దినపత్రికలుకూడా వైఎస్ఆర్ సీపీనేతలు ఈ వ్యవహారంలో నిందితులుగా ఉన్నట్లు (http://goo.gl/UqFBNR) వార్తను ఇచ్చాయి. అయితే, సాక్షి మీడియామాత్రం ఈ వార్తను దీనిని 'తనదైన శైలి'లో ఆవిష్కరించింది. గుడివాడలో తెలుగుదేశంనేతలు చెల్లనినోట్లు పంపిణీ చేశారంటూ ప్రింట్, ఎలక్ట్రానిక్ మీడియాలలో కథనాలు ఇచ్చింది. క్రింది లింక్లో ఆ కథనాలను చూడొచ్చు.
http://goo.gl/ogIJM3
ఈ వార్త పూర్వాపరాలలోకి వెళ్తే, గుడివాడ పట్టణంలోని 21వవార్డులో అభ్యర్ధి ఒకరు ఓటుకు రెండువేలరూపాయల చొప్పున డబ్బు పంచారు. నాలుగు ఐదొందలరూపాయల నోట్లుగా ఆ డబ్బును ఇచ్చారు. తీసుకున్న ఓటర్లలో కొందరు వాటిని దుకాణాలలో ఇవ్వబోగా అవి 2005కు పూర్వం ముద్రించినవి కాబట్టి చెల్లబోవంటూ వ్యాపారులు నిరాకరించారు. దీంతో, తాము మోసపోయామని భావించిన సదరు ఓటర్లు లబోదిబోమన్నారు. అయితే తాము తీసుకుంది అక్రమ వ్యవహారంకాబట్టి పోలీసులకు చెప్పలేక తేలుకుట్టిన దొంగల్లాగా కిమ్మనకుండా కూర్చున్నారు. అయితే మీడియాకు ఎలాగో పొక్కి ఈ విషయం బయటకొచ్చింది. స్థానిక తెలుగుదేశంనేతలు ఈ వ్యవహారంపై వైఎస్ఆర్ సీపీ నేతలమీద పోలీసులకు ఫిర్యాదుచేశారు. ఇద్దరు జగన్ పార్టీ నేతలను అదుపులోకి తీసుకుని విచారిస్తున్నట్లు పోలీసులు తెలిపారు. మరోవైపు, తాము పంచింది నకిలీ నోట్లుకాదని, 2005కుపూర్వం ముద్రించినవిమాత్రమేనని సదరు అభ్యర్ధితరపువారు ఓటర్లకు నచ్చచెబుతున్నా ఉపయోగంలేకుండా పోయింది. విషయం పోలీసులదృష్టిలోకెళ్ళిపోయింది. పోలీసులు పంపిణీ జరిగిన నోట్లను సేకరించి విచారణ ప్రారంభించారు.
image courtesy:wikipedia.com
జగన్పార్టీ నేతల కుళ్ళు రాజకీయాలకు కాలం చెల్లేదెప్పటికో. . .దరిద్రమేమంటే ఆ పార్టీ కరపత్రిక సాక్షిని చదివే మూర్ఖులకు ఇక నిజాలు తెలిసే అవకాశమే లేదు. . . నేను టిడిపికి సపోర్ట్కాదండి గమనించండి. ఈరోజునుంచి మరో శవ రాజకీయం. . . ఈనాడు చందాదారులుగా ఉన్న ప్రతి ఒక్కరికి సాక్షి పత్రిక మూడు నెలలు ఉచితంగా వేస్తారట. . . ఈ మూడు నెలలు ఉచితంగా కరపత్రాలు (సాక్షి) పంచి ఎన్నికల కమిషన్నుంచి తప్పించుకుందామని. సామాన్యుడు పేపర్ ఉచితంగా వస్తుందని భావిస్తున్నాడే కానీ, ఉచితంగా పేపర్ ఇచ్చి ఎన్ని కోట్లు సంపాదిస్తాడో ఊహించట్లేదు. అసలు ఉచితంగా ఎవ్వరైనా ఎందుకు ఇస్తారు? అప్పనంగా సంపాదించిన సొమ్ము అయితేనే కదా. . సామాన్య ఓటరుకు తెలిసేదెన్నడో. . .
ReplyDelete