అద్భుతమైన మెలోడీతో సాగిపోయే ఈపాట, లక్కీ అలీ రూపొందించిన 'గోరీ తేరీ ఆంఖే...' అనే ప్రైవేట్ ఆల్బమ్‌లోనిది. 2001లో ఈ ఆల్బమ్‌ విడుదలయింది. దీనిలో ఎనిమిది పాటలున్నప్పటికీ పై పాటే హైలైట్. వియోగంమీద ఉన్న పాటలలో దీనికి మొదటి వరుసలో స్థానం కల్పించొచ్చు. లక్కీ అలీ గాత్రం చెవులలో అమృతం పోస్తున్నట్లుంటుంది. మంచి సంగీతంతోబాటు దృశ్యపరంగా కూడా బాగానే విజువలైజ్ చేశారని చెప్పొచ్చు.
అలనాటి బాలీవుడ్ హాస్యనటుడు మహమూద్ కుమారుడైన లక్కీ అలీ ఆ వారసత్వంతో సంబంధం లేకుండా స్వతహాగా మంచి ప్రతిభ ఉన్న కళాకారుడు. అయినా ఎందుకో రావల్సినంత గుర్తింపు రాలేదనిపిస్తుంది. నటనలోకూడా ప్రవేశముంది. త్రికాల్, కాంటే, సుర్, కసక్‌వంటి కొన్ని బాలీవుడ్ చిత్రాలలో నటించారు. మూడు వేర్వేరు దేశాలకు చెందిన ముగ్గురు అమ్మాయిలను పెళ్ళి చేసుకున్న లక్కీకి ఐదుగురు పిల్లలు. మరో విశేషమేమిటంటే అలనాటి ప్రసిద్ధ కథానాయిక మీనాకుమారి, లక్కీ అలీ తల్లి మహేలక సొంత అక్కా చెల్లెళ్ళు.
ఈ పాట సాహిత్యం కావాలంటే ఈ లింక్‌కు వెళ్ళండి - http://lucky-ali-songs.blogspot.in/
No comments:
Post a Comment