Sunday, May 22, 2011

ఎన్టీఆర్ కంటే ఎస్వీఆరే గొప్ప నటుడన్న కైకాల




ఆర్టిస్టుగా ఎన్టీరామారావుకన్నా కూడా ఎస్వీరంగారావే గొప్పనటుడని ప్రముఖనటుడు కైకాల సత్యనారాయణ అన్నారు. ఆంధ్రజ్యోతి-ఏబీఎన్ ఛానల్ లో ఓపెన్ హార్ట్ విత్ ఆర్కే కార్యక్రమంలో ఎస్వీఆర్ గురించి ప్రస్తావన వచ్చినపుడు కైకాల ఈ వ్యాఖ్యలు చేశారు. ఎస్వీరంగారావులో ఉన్న వైవిధ్యం అపూర్వం, అద్భుతమని చెప్పారు. రారాజు దుర్యోధనుడుగాగానీ - సామాన్య గృహస్థుగాగానీ, జమీందారుగాగానీ - గుడ్డి బిచ్చవాడిగాగానీ, మోతుబరిగాగానీ-పేదరైతుగాగానీ ఏ పాత్రలోనయినా ఆయన ఇట్టే ఒదిగిపోతారని కైకాల చెప్పారు. ఎస్వీఆర్ భారతదేశంగర్వించదగ్గనటుడని, ఆయన తెలుగువాడిగా పుట్టడం తెలుగువారి అదృష్టమని అన్నారు. ఖచ్చితంగా ఎన్టీరామారావుకన్నా ఎస్వీరంగారావే ఉత్తమనటుడయినప్పటికీ, రామారావుదొక అపూర్వమైన రూపమని చెప్పారు. ఆయన రూపం బాగా కెమేరాఫ్రెండ్లీ అని తెలిపారు. రంగారావుతో సీన్ చేసేటప్పుడు రామారావు, నాగేశ్వరరావు కూడా, ఆయన తమను డేమినేట్ చేస్తాడేమోనని బిక్కుబిక్కుమంటూ ఉండేవాళ్ళని(పాండవ వనవాసంలో "బానిసలు" డైలాగ్ తరహాలోనా...?) కైకాల అన్నారు. అయితే ఎస్వీఆర్, సెట్ కు తాగివచ్చి కొన్నిసార్లు నిర్మాతలను ఇబ్బంది పెట్టేవారని, శ్రీకృష్ణసత్య సినిమా సందర్భంగా ఎన్టీఆర్ ను కూడా బాగా ఇబ్బంది పెట్టారని తెలిపారు.

అసలే ముద్దగా ఉండే సత్యనారాయణ గొంతు, ఇప్పుడు బాగా ముద్దగా అయిపోయింది(మందు ఎక్కువ అవటంవలన కావచ్చు). దానితో ఈ ఇంటర్వ్యూలో ఆయన మాటలు ఒకపట్టాన అర్ధం కావడంలేదు. అయితే ఒక సందర్భంలో హేట్సాఫ్ అనిపించారు. మీ చలనచిత్రజీవితంలో ఇష్టమైన డైలగ్ చెప్పండంటూ రాధాకృష్ణ కోరినపుడు, ఏదో పౌరాణికసినిమాలో - తాను పోషించిన దుర్యోధనపాత్ర తాలూకు డైలాగ్ చెప్పారు. సంస్కృత సమాసాలతోకూడిన సంక్లిష్టమైన, సుమారు రెండుపేజీల సుదీర్ఘ డైలాగ్ అది. అంతపొడుగు దానిని, ఇన్నేళ్ళ తర్వాత కూడా, ఈ వయసులో ఆయన గుర్తుపెట్టుకుని, చక్కగా, ముఖకవళికలతోసహా చెప్పిన తీరు అద్భుతం, అపూర్వం. అంత ప్రతిభ ఉండబట్టే అన్నాళ్ళు ఆ ఫీల్డ్ లో నిలబడగలిగారనిపించింది. మొత్తం 780 సినిమాలలో నటించానని చెప్పారు. మొత్తం కెరీర్ లో, ‘శారద’ సినిమాలోని తన పాత్ర ఎంతో ఇష్టమని తెలిపారు. రామారావుగారితో పోరాటదృశ్యాలలో నటించేటపుడు చచ్చే చావయ్యేదని చెప్పారు. ఆయన పాత్రలో లీనమైపోయి విలన్ లను బాదేవారని తెలిపారు. రేప్ దృశ్యాలలో నటించేటపుడు హీరోయిన్లతో పెద్ద ఇబ్బందులేమీ ఎదురవలేదని చెప్పారు. కేఆర్ విజయ మాత్రం బాగా కోఆపరేట్ చేసేదని, ఎలాగయినా చేసుకోండి - ఫరవాలేదని చెప్పేదని తెలిపారు.

అవార్డులు రాకపోవడానికి కారణమేమిటో స్పష్టంగా తెలియదని, తెలుగుదేశం ఎంపీగా కొంతకాలం పనిచేయడం ఒక కారణమై ఉండొచ్చని కైకాల అన్నారు. అయినా, సావిత్రికి, ఎస్వీరంగారావుకు కూడా అవార్డులు రాలేదుకాబట్టి తాను వాళ్ళ సరసన చేరినట్లేనని చమత్కరించారు. బ్రహ్మానందం, మోహన్ బాబు(వీరిద్దరూ పద్మశ్రీ అవార్డులు పొందారు)కంటే తీసిపోయానా అని ప్రశ్నించారు. తన కొడుకులెవరూ నటులుగా రాలేదని, మనవళ్ళయినా వారసులుగా రావాలని తన అభిలాష అని మనసులోమాటను బయటపెట్టారు.

80వ దశకంముందుదాకా ఎన్నో మంచిపాత్రలు వేసిన కైకాలను ఒకరకంగా పరుచూరి బ్రదర్స్ పాడుచేశారేమోననిపిస్తుంది...అగ్నిపర్వతం, ముందడుగు వంటి సినిమాలలో చవకబారు హాస్యపాత్రలు ఇచ్చి. ముఖ్యంగా అగ్నిపర్వతంలో సత్యనారాయణ క్యారెక్టర్ చాలా దారుణంగా ఉంటుంది. ఆయన స్థాయి నటుడు చేయదగ్గపాత్ర కానేకాదు. ఏది ఏమైనా ఆయనది ఒక పరిపూర్ణ(accomplished) జీవితమని చెప్పుకోవాలి. వృత్తిపరంగానూ, వ్యక్తిగతంగానూకూడా జీవితంలో మంచి ఎత్తులకు ఎదిగి తెలుగువారిగుండెలలో ఒక సుస్థిరస్థానాన్ని సంపాదించుకోవడం ఆషామాషీయేంకాదు. ప్రస్తుతం మనవళ్ళతో కాలక్షేపం చేస్తున్న కైకాల, అరుంధతి వంటి ఒకటో, రెండో సినిమాలలో అప్పుడప్పుడు అరుదుగా కనిపిస్తున్నారు.

20 comments:

  1. మీ చలనచిత్రజీవితంలో ఇష్టమైన డైలగ్ చెప్పండంటూ రాధాకృష్ణ కోరినపుడు, ఏదో పౌరాణికసినిమాలో - తాను పోషించిన దుర్యోధనపాత్ర తాలూకు డైలాగ్ చెప్పారు.

    ఏమండీ .. కొంచెం ఈ dialog చెప్పిన వీడియో లింక్ ఉంటె ఇవ్వరా కొంచెం . ఇప్పుడే youtube లో వెతికా కాని దొరకలేదు

    ReplyDelete
  2. అనానిమస్ గారూ, దేవరపల్లిగారూ, రాజేష్ గారూ, స్పందన తెలిపినందుకు ధన్యవాదాలు. అనానిమస్ గారూ, మీరడిగిన లింక్ ను రాజేష్ గారు ఇచ్చారు. http://www.youtube.com/watch?v=nNDocG7C-DU. రాజేష్ గారూ, మీ కామెంట్ లోని కొంత భాగం, కొత్త చర్చకు(వివాదానికి) దారితీసేటట్లుగా ఉండటంతో - తొలగించాను. అన్యధా భావించవద్దు. మరోసారి ధన్యవాదాలు.

    ReplyDelete
  3. jagamerigina satyanni kaikaala pratyekinchi cheppalsina panemundi.100% actor means only SVR nd not NTR...

    ReplyDelete
  4. బావుంది...యూ ట్యూబ్ లో చూడాలి అయితే

    ReplyDelete
  5. రంగారావు గారు, సత్యనారాయణగార్లే నా అభిమాన నటులు. ఏ పాత్ర వేసినా ఆ పాత్రకే ప్రాణం పోస్తారు. ntr గురించి నా అనుమానం ఏంటంటే ఆయన వేసినందుకే "ధు"ర్యొధనుడు కాస్తా "సు"యోధనుడిగా మారాడేమోనని.

    ReplyDelete
  6. నటన విషయంలో ఒకరితో మరొకరికి పోలిక ఎందుకండి..అనవసరం కూడానూ..? అలా పోలిస్తే ఎస్.వి.ఆర్ గారి నటనలో సైతం లోపాలను వెతకవచ్చు..! గ్రేట్ ఆంధ్ర సైట్‌లో ఎమ్బీ ఎస్ ప్రసాద్ గారు ఎస్వీయార్, యన్.టి.ఆర్ అక్కినేనిల మీద వ్రాసిన వ్యాసలు చదవండి వీలుంటే. అందులో కనపడతాయి ప్రతి ఒక్కరి బలాలు, బలహీనతలు, అంతె గాని ఒకరి నటనతో మరొకరి పోల్చి..ఎందుకు అనవసరపు రాద్దాంతాలు..ఎవరి నటన స్టైల్ వారిది అంతే . ఎవరూ కూడా మెథడ్ యాక్టింగ్ చేసిన దాఖలాలు లేవు పెద్దగా.

    ReplyDelete
  7. కమల్ గారూ, ధన్యవాదాలు. అవునూ, పోలిక ఎందుకని మీరు నన్నడుగుతున్నారా లేక కైకాలగారిని అడుగుతున్నారా? ఎందుకంటే, పై మాటలు కైకాల అన్నవి. ఎస్వీఆర్ నటనలోసైతం లోపాలను వెతకవచ్చని మీరు అన్నారు. ఈ వ్యాసంలో రామారావుగారి నటనలో లోపాలు ఎత్తిచూపినట్లు మీకు అనిపించిందా? మీరే ఎస్వీఆర్ మీదున్న మీ వ్యతిరేకతను బయటపెట్టుకున్నారు. ఒకరి నటనతో మరొకరిని పోల్చకూడదన్నారు. ఎమ్బీఎస్ ప్రసాద్ గారి రచనలను చూసి నేర్చుకోమని నాకు చెబుతున్నారు. నేను ఆయనంత గొప్ప రచయితను కానుగానీ మీరే మళ్ళీ ఆయనతో ఎందుకు పోలుస్తున్నారో తెలుసుకోవచ్చా? మెథడ్ యాక్టింగ్ గురించి మీరు విపులంగా రాస్తే తెలుసుకుని తరిస్తాము.

    ReplyDelete
  8. ఎవరి ప్రతిభ వారిది గదండి.ఇద్దరూ ప్రతిభావంతులే!
    నా యొక్క బ్లాగులుhttp://indianrangavalli.blogspot.com/
    http://vignanandhra.blogspot.com/
    http://kalpitakatha.blogspot.com/

    ReplyDelete
  9. తేజస్వి గారు. నా కామెంట్ మిమ్మల్ని కాని లేక కైకాల గురించి కాని కాదు. నా కామెంట్ లో సరైన వివరణ లేదు అది నా పొరబాటే. పైన వ్రాసిన కొందరి కామెంట్స్ మీద నా కామెంట్ రాసాను. ఎస్వీ ఆర్ గారి మీద నాకేమి వ్యక్తిగతపరమైన వ్యతిరేకత లేదు, కళకారులను కేవలం కళా పిపాసన దృష్టిలోనే చూసి కామెంట్ పెట్టాను. అంతే గాని నాకంటూ సొంత అజెండాలు ఏవి లేవండి తేజశ్వి గారు. కేవలం చదవమని మాత్రమే చెప్పాను కాని నేర్చుకోమని నేనెక్కడా చెప్పలేదు..! అయినా అది మీకు చెప్పలేదులేండి..పొరబాటు నాదే నా కామెంట్‌లో సరైన వివరణలేదు.

    ReplyDelete
  10. కమల్ గారూ, It's okay. నేనుకూడా మీరు నన్నడుగుతున్నారనుకుని అలా బదులిచ్చాను.

    ReplyDelete
  11. honestly SVR is great actor compared to NTR.

    ReplyDelete
  12. @ లక్ష్మణ్ గారు..ఎస్వీయార్ ఏ విధంగా యన్.టి.ఆర్ కంటే గొప్ప నటుడో వివరించండి.

    ReplyDelete
  13. HOW CAN WE COMPARE A HERO WITH A CA RECTOR ACTOR?

    ReplyDelete
  14. @అజ్ఞాత గారు. మీరు " హీరో " అంటూ సంబోదించారు...! ఒకప్పటి కథానాయకులు..ఇప్పటిలా హీరోలు కాదండి సుమా..! అప్పటి తరం కథానాయకులు.. కథానాయకులు అన్న పదం కన్నా ముందుగా చెప్పుకోవాలంటే .. వారు " నటులు " తర్వాతే మీరు ఉదహరించినట్లు " హీరోలు ".

    ReplyDelete
  15. excellent post andee.. చాలా ఆలస్యంగా చద్దివినట్టున్న్నాను..
    నాకు కూడా కైకాల గారు అంటే చాలా ఇష్టం..
    ఎస్వీఆర్,ఎన్టీర్ లు ఇద్దరూ ఇద్దరే..కదండీ.. ;)

    ReplyDelete
  16. ఎవరి అభిప్రాయాలు వాళ్ళవి.. గౌరవించడం మన ధర్మం :)
    BTW నాకు కూడా svr గారు అంటేనే ఇష్టం :)

    మీ బ్లాగ్ బావుందండీ

    ReplyDelete
  17. సౌమ్య, గౌతమి, లక్ష్మణ్, రాజ్‌కుమార్, హరేకృష్ణగార్లకు కృత‌జ్ఞ‌త‌లు.

    ReplyDelete
  18. Ofcourse there should be no comparison. But when we have to, SVR is surely better than NTR.

    ReplyDelete
  19. Telugu cinema,telugu cinema movies,telugu movies,telugu film,telugu movie,movies in telugu,telugu songs,cinema telugu,actress hot photos,hot hot hot actress,about Katrina Kaif,telugu actress
    telugu movies

    ReplyDelete

రాయల్ 'బుల్లెట్'పై పెరిగిపోతున్న మోజు: ఎందుకింత క్రేజ్!

తెలుగు సినిమాల్లో, ఆ మాటకొస్తే మనదేశంలో రూపొందే ఏ కమర్షియల్ సినిమాలోనైనా క్లైమాక్స్ సీనులో - బాధితులను ఆదుకోవటానికి, విలన్ బ్యాచిని చి...